Síld er fiskur

"Síld og fiskur." Nafnið eitt og sér er fáránlegt. Er síld ekki fiskur? Svo er þetta kjötvinnsla þar að auki samkvæmt fréttinni. - Svei mér þá! - Borgnesingar!

Síld og fiskur segir upp fólki í Borgarnesi

Athugasemdir

[Steingrímur Helgason, 31.10.2008 kl. 22:35]

Mér var nú sögð sagan þannig að upprunalega hefði nafnið komið frá Lúlla í Lúllabúð á Hverfisgötunni.  Hann hefði stungið því að Þorvaldi svínabónda & síðar Hótelmógúlz yfir glazi af glundri & einmitt tvíræðnin hefði hitt sem einn fínn húmör.

[Sigurbrandur Jakobsson, 31.10.2008 kl. 22:49]

Talandi um síld. Drekkhlaðnir síldarbátar hafa verið að sigla framhjá stofuglugganum hjá mér undanfarna daga og koma innan úr Breiðafirðinum þar sem þeir hafa verið að veiðum undanfarið.

[Víðir Benediktsson, 31.10.2008 kl. 22:49]

Enda var Þorvaldur auðmaður síns tíma. Trúlega ríkasti maður landsins um tíma.

[Gunnar Th. Gunnarsson, 1.11.2008 kl. 02:22]

Kjöt og skinka.... mjólk og rjómi...skór og stígvél

Meira að segja þetta er skárra en síld og fiskur

[Haraldur Bjarnason, 1.11.2008 kl. 12:34]

Já Tolli í Síld og fisk var raunverulega ríkur, ekki svona gervi eins og verið hefur undanfarin ár. Hann var líka alltaf stoltur af að vera skatthæstur landsmanna.