Góð áform í anda Bjarkar

Þetta eru allt góð áform sem hrinda þarf í framkvæmd strax. Þeir sem eru að missa vinnuna þola enga bið. Orð eru til alls fyrst svo framarlega að þau séu ekki látin duga ein og sér. Annars finnst mér margt af þessu sem Ingibjörg Sólrún segir vera það sama og kom fram hjá Björk Guðmundsdóttur í góðu Kastljósviðtali við hana.

Áform um ný störf í sprotafyrirtækjum

Athugasemdir

[Björk (IP-tala skráð) 30.10.2008 kl. 14:02]

já, núna skiptir máli að koma með lausnir ...

[Kolbrún (IP-tala skráð) 30.10.2008 kl. 14:04]

"Ný peningamálastefna á að byggja á stöðugum gjaldmiðli og faglegri yfirstjórn Seðlabanka Íslands sem nýtur trausts jafnt hér heima sem erlendis," sagði Ingibjörg Sólrún."

Það er engin fagleg yfirstjórn, hvorki hjá Seðlabankanum né ríkisbönkunum, svo mikið hefur komið í ljós. Hvað þá að það ríki traust. Ég vona að sem flestir fái tækfæri til að koma nýsköpun áfram en hef litla trú á því að hér nái sprotafyrirtæki að blómstra í skugga þeirrar miklu spillingar sem er að kæfa okkur íslendinga. 

[Haraldur Bjarnason, 30.10.2008 kl. 14:27]

Vaxtahækkun er ekki heldur sprotafyrirtækjum til góða frekar en öðrum fyrirtækjum og almenningi. Allt er þetta því talsvert mótsagnakennt.

[Grétar Rögnvarsson, 30.10.2008 kl. 15:31]

Sjálfsagt er Björk ágæt manneskja, en finnst hún stundum hafi farið of mikinn í umræðu sinni um virkjanir og álver. Finnst hún  oft hafa talað af vanþekkingu þar og ekki áttað sig á því hverju það hefur skilað fólki.

[Haraldur Bjarnason, 30.10.2008 kl. 15:59]

Hún var með margt athyglisvert í Kastljósi í gær Grétar en þið sjáið það auðvitað ekki þarna út í ballarhafi.