Samt fimmföld laun ríkisstarfsmanna

Þrátt fyrir að vera 1.750 þúsund eru laun þessara bankastjóra allt of há. Miðað við stjórnendur hjá ríkinu yfirleitt ætti að setja markið við 1.250 þúsund þá eru þeir með um milljón yfir flestum almennum ríkisstarfsmönnum. Það er yfirdrifið nóg fyrir stjórnendur að vera með fimmföld almenn laun. Auðvitað ætti að setja lög um að stjórnendur megi aldrei vera með meira en tvöföld laun undirmanna sinna. Það er sanngjarnt hjá ríkinu og eðlileg laun almenns ríkisstarfsmanns í dag ættu því að vera 875 þúsund sé miðað við bankastjórana.

Bað um launalækkun

Athugasemdir

[Hólmdís Hjartardóttir, 25.10.2008 kl. 19:17]

Nú kem ég þér á óvart.....er nebblega sammála

[Víðir Benediktsson, 25.10.2008 kl. 19:18]

Tíföld laun hinna lægst launuðu.

[Haraldur Bjarnason, 25.10.2008 kl. 19:30]

Rétt Víðir, en ef við miðum við sjómenn þá var nú í eina tíð skipstjórinn með tvo hluti. Það hefur hækkað en ég man eftir umræðu um það einu sinni að stjórnendur hjá ríkinu væru aldrei með meira en tvöföld meðallaun undirmanna.

[Hafsteinn Viðar Ásgeirsson, 25.10.2008 kl. 21:32]

Ég verð nú að segja, að mér finnst mest um vert að það fáist þannig fólk að þessum stofnunum, AÐ VIÐ GETUM TREYST ÞEIM, mér finnst ekki meginmálið fyrir þrjár manneskjur hvort laun eru 1200 eð 1750 þúsund. Ég vil geta verið viss um að viðkomandi sé hlutlaus starfsmaður okkar allra, það er það sem öllu skiptir.

Af með alla andskotans flokksdindla, hverju nafni sem nefnast, út með þá alla, NÚNA. Þeirra galvitlausu vinnubrögð hafa komið okkur í núverandi stöðu.....

[Sigrún Jónsdóttir, 26.10.2008 kl. 00:36]

Hafsteinn, kr. 550.000.- eru nú bara helvíti góð laun, ég vildi að ég hefði þau.

Haraldur, ég er líka sammála