Varnarúði! - GAS !!! - GAS!!! - GAS!!!

"Eins og komið hefur fram þurfti lögreglan m.a. að beita varnarúða", þetta er orðrétt í fréttinni. Af öllum fréttamyndum að dæma var lögreglan ekki í vörn þarna. Hún var í sókn. Þótt oft hafi verið sagt að sókn sé besta vörnin þá átti það ekki við þarna. Ef þetta var varnarúði þá var greinilega verið að misnota hann í dag. -  GAS !!! - GAS!!! - GAS!!! 


mbl.is 21 handtekinn í dag
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Mig langar að vita hvort Bjössi litli Bjarna var að uppfylla með naumindum brot af stóra stríðsdraumnum sínum með því að senda lögguna með skjöld og hjálm á vörubílavettvang í byrjun dags.  Varla gat hann vitað að eitt grjót fengi flugferð og nokkur egg í kjölfarið.  Var þetta ekki bara svona ævintýraþrá hjá karlinum, svona smá framlenging......

aa (IP-tala skráð) 23.4.2008 kl. 22:57

2 Smámynd: Guðrún Þóra Hjaltadóttir

Þetta var aldrei vörn, þeir virtustaf myndum að dæma elta uppi menn sem þeir hugðust handjárna. Ekki skrökva myndirnar.

Guðrún Þóra Hjaltadóttir, 23.4.2008 kl. 23:08

3 Smámynd: Haraldur Bjarnason

Samt kalla þeir þetta varnarúða og það gerir Björn Bjarnason líka á bloggi sínu. Annars virðast hann og mbl.is bara kópíera dagbók löggunnar. - Maður er hreinlega farinn að vorkenna þessum lögregluþjónum fyrir að láta etja sér út í þetta.

Haraldur Bjarnason, 23.4.2008 kl. 23:15

4 Smámynd: Sigrún Jónsdóttir

Var ekki einhver pólskur ræðismaður að bjóða "Bjössa litla Bjarna" að senda íslenska lögreglumenn í "alvöru" löggunám til Póllands?  Kannski þeir hafi skroppið á stutt námskeið s.l. helgi.

Sigrún Jónsdóttir, 23.4.2008 kl. 23:27

5 Smámynd: Haraldur Bjarnason

Þetta minnti nú á verstu myndir frá henni Ameríku. Ég er viss um að Pólverjarnir eru saklausari. Ég segi það bara aftur að þessum löggugreyjum er vorkunn en ef þeir læra þessi geðveikislegu öskur um GAS! í lögguskólanum, þá held ég að það þurfi að endurskoða námskránna þar.

Haraldur Bjarnason, 23.4.2008 kl. 23:33

6 Smámynd: Skaz

Jamm sá snillingur sem ákvað að þessar aðgerðir væru besta lausnin þarf að vera sendur til Zimbawe eða Darfur þar sem að hann er í sínu rétta umhverfi. Ætli Mugabe vanti ekki Löggustjóra?

Skaz, 23.4.2008 kl. 23:40

7 Smámynd: dvergur

Hann virkar hálf Crazy blessaður GAS maðurinn.


dvergur, 24.4.2008 kl. 01:37

8 identicon

Lögreglan ætlaði að koma vörubílunum af veginum en þarna var komið fólk að sem reyndi að hindra þá við starf þeirra. Fólkið fékk aðvörun og lögreglan gaf þau skilaboð að mace úða yrði beitt ef fólk færi ekki í burtu. Þeir sem fóru ekki í burtu fengu mace úða á sig og geta engum öðrum kennt um það nema sjálfum sér. Á fréttamyndunum sést að til mikilla stympinga kom áður en lögreglan beitti úðanum og menn slógust í stórum hópi sem myndaðist. Hefðu þeir ekki beitt úðanum, hvað þá? Þá hefði lögreglan þurft að fara í slagsmál við fólkið og þá hefði þurft að snúa fleiri niður og handtaka þá. Þá hefðu örugglega fleiri slasast. Úðinn dreifði mannfjöldanum og kom örugglega í veg fyrir frekari meiðsl.  Ef lögreglan sýnir ekki festu og ákveðni við svona aðstæður þá verður fjandinn laus. Ef lögreglan hefði ekkert gert þarna og bara boðið mönnum í nefið þá hefði hún verið stórlega gagnrýnd. Hættum þessu væli, við búum ekki í lögregluríki.

Ólafur (IP-tala skráð) 24.4.2008 kl. 01:41

9 Smámynd: Hólmdís Hjartardóttir

Nokkuð ljóst að lögreglumenn fengu skipun um að sýna mátt sinn og megin.

Hólmdís Hjartardóttir, 24.4.2008 kl. 01:41

10 Smámynd: dvergur

Já magnað. þeir úðuðu liðið út og suður á bensínstöðvarplaninu líka.... langt frá bílunum sem þeir ætluðu að vera að fjarlægja.

En það kemur svo sem ekkert á óvart. Mér sem leikmanni sem var hvergi nálægt sýnist samt að það hafi verið ákveðið með nokkuð góðum fyrirvara að beita hörku.

Þannig skil ég ummæli lögregluþjóns í viðtali við fréttakonu þegar hann segir áður en rósturnar byrja ORÐRÉTT

 "Slepptu nú þessum formála, ef þú fylgist með hérna í nokkrar mínútur þá látum við verkin tala"

Frétt hér mínúta 02:40

dvergur, 24.4.2008 kl. 02:12

11 Smámynd: Haraldur Bjarnason

Ólafur - Það er eitt að sýna festu og ákveðni og annað að fara með ofbeldi. Það sem við sáum i gær var ofbeldi af verstu tegund. Það kom aldrei til neinna stimpinga fyrr en lögregla gekk fram með látum. Ég er viss um að ef lögreglan hefði sýnt þolinmæði, jafnvel gefið í nefið og sleppt þessum vígbúnaði, þ..e skjöldum og úðabrúsum, þá hefði allt lognast út af á smá tíma. Ágreiningur verður aldrei leystur með ofbeldi. Svo kallar dómsmálaráðherra þetta varnarúða. Lögreglan var ekki í vörn. Það var hún sem blés til sóknar.

Dvergur og Hólmdís Þetta er auðvitað rétt hjá ykkur skipunin kom að ofan. Þessi ummæli tóku af allan vafa um í hvaða tilgangi lögreglan var send á staðinn. Já þetta eru tryllt svipbrigði á myndinni enda öskrið í takt við þau.

Haraldur Bjarnason, 24.4.2008 kl. 07:45

12 identicon

Mér finnst ekki hægt að hafa samúð með þessum mótmælendum þegar 1) Þeir eru fyrir öllum og eru bara með almennt bögg, og 2) Þessi talsmaður vörubílstjóra (Sturla?), sýnist mér nú ekki beint stíga í vitið, hann virðist ekki einu sinni vita um hvað hann er að tala í flestum viðtölum.

Auðvitað öskruðu þeir GAS - GAS, hefðu þeir frekar bara átt að byrja að spreyja án viðvörunnar? Og af hverju færði fólkið sig ekki? Var betra að bíða bara eftir piparúðannum?

Jóhannes (IP-tala skráð) 24.4.2008 kl. 12:44

13 Smámynd: Haraldur Bjarnason

Smá skilboð til þin, sem kallar þig Jóhannes. Það er hvorki þitt né mitt að leggja dóm á hver stígur í vitið. Þú reynir að útskýra þessi gasöskur. Það átti enginn að þurfa að bíða eftir piparúðanum hvorki með eða án öskra. Það var engin réttlæting til fyrir því að nota slíkt ofbeldisverkfæri þarna. - Mundu að engin dæmi eru til um að líkamlegt ofbeldi leysi nein mál.

Haraldur Bjarnason, 24.4.2008 kl. 13:13

14 identicon

Auðvitað létu þeir fólkið vita af fyrirætlunum sínum, áður en þeir létu til skarar skríða.  Með því móti átti þetta sama fólk, kost á því að forða sér, en verða "meisað" ef það færði sig ekki.  Ég held að það hefði allt orðið vitlaust ef lögreglan hefði ekki hrópað þessi varnaðarorð áður en þeir spreyjuðu liðið.  Þá hefði þetta sama fólk og hér kýs að tjá sig um lögregluofbeldi haft enn hærra.  Útgangspunkturinn er að lögreglan var búin að biðja bílstjórana að færa ökutækin af veginum, við því var ekki orðið. Mannfjöldi var kominn á svæðið, og hafði sig verulega í frammi, sbr grjótkastarnn, og við þessu öllu varð að bregðast.  Ég persónulega er miklu hlynntari því að fá á mig smá sprey en kylfuhögg, en þarna var víst ekki hjá því komist að beita kylfum. Og nota bene, ég þekki nokkra reynda lögreglumenn, sem hafa langan starfsaldur.... og hafa aldrei þurft að beita kylfum...aldrei.  Þetta sýnir kannski í hverskonar óefni var komið þarna á Suðurlandsveginum.  Sturla var eins og fyrri daginn, uppfullur af mótsögnum.  Sýnist einnig á öllu að unglingar í dag bera enga virðingu fyrir lögreglunni, sem er ekki gott.  Vil enn og aftur benda á að þegar hinir sömu lenda í vandræðum, þá eru þeir ekki lengi að hringja í lögregluna og fá hana til að hjálpa sér.  Tvískinnungurinn er mikill hjá þessu liði.  Síðast en ekki síst vildi ég að náunginn sem hennti grjótinu í andlit lögreglumannsins verði lokaður inni!! LENGI! En sjálfsagt verður mér ekki að ósk minni, jafnvel þó fordæmi séu fyrir því að 2.mgr. 218.gr almennra hegningarlaga séu notuð um þessi brot, og þá með tilvísun í að hættulegt vopn var notað við atlöguna, og ásetningurinn er til staðar með því að henda grjótinu að lögreglumönnunum.  Svo vona ég að þeir verktakar sem áttu þessa bíla sem gerðir voru upptækir í gær reki þá starfsmenn sína sem þátt tóku í ólátunum.  Þetta er vafalaust ein versta auglýsing sem fyrirtækin fá...

Sá sem veit betur (IP-tala skráð) 24.4.2008 kl. 13:20

15 Smámynd: Haraldur Bjarnason

Ofbeldi á bara ekki rétt á sér hver sem á hlut, hvort sem það er í skjóli laga eða ekki. - Það er ekki flóknara en það, elsku karlinn.

Haraldur Bjarnason, 24.4.2008 kl. 13:28

16 Smámynd: Hafsteinn Viðar Ásgeirsson

Laukrétt Haraldur, það þarf ekki fleiri orð um það, framganga lögreglunnar þarna er bara til skammar og leggur grunninn að þessari uppákomu...

Hafsteinn Viðar Ásgeirsson, 24.4.2008 kl. 19:34

17 identicon

Haraldur.. nú er ég bara ekki sammála þér.  Á lítill hópur manna að geta haldið samfélaginu í gíslingu?!  Vegna síendurtekinna brota þessara manna, hefur lögreglan metið það svo að nú væri þetta komið nóg.  Þeir eru búnir að þverbrjóta lög trekk í trekk, og þér finnst það allt í lagi, af því að þeir eru að mótmæla.  Það nýjasta er að nú hefur einn úr framvarða sveit trukkabílstjóra slegið lögregluþjón!!  Hvar á að draga mörkin.  Sturla yfirtrukkur segist ekkert þekkja til mannsins, og sver hann af sér, en það er eins og annað sem ratar útúr munni hans.... tóm þvæla.  Hann veit uppá hár hver þessi maður er, enda hefur sá hinn sami verið í fjölmiðlum sem talsmaður þeirra.  Nú vill Sturla ekkert kannast við hann. Jafnvel þó hann hafi talað af sér í sjónvarpinu, og vissi allt um líkamlegt heilsufar hans.  Sturla hefur aldrei sagt allann sannleikan, heldur einungis það sem honum hentar best í það og það skiptið. 

P.s Ég læt alþjóð eftir að dæma um andlegt ástand mannsins sem sló lögregluþjóninn við Kirkjusand í dag!! 

Sá sem veit betur (IP-tala skráð) 24.4.2008 kl. 19:52

18 Smámynd: Haraldur Bjarnason

Ég trúi því nú tæplega að þú sért ekki sammála mér. - Ofbeldi á bara ekki rétt á sér og við erum búnir að vera að horfa á ofbeldi af verstu gerð bæði í gær þegar úðabrúsarnir fóru á loft og í dag þegar löggan var slegin. - Fleiri orð þarf ekki um það. Ofbeldi leysir engin mál. Það er ekkert sem réttlætir það.  - Gleðilegt sumar, karlinn minn!

Haraldur Bjarnason, 24.4.2008 kl. 20:03

19 Smámynd: Lilja G. Bolladóttir

Ég er svo gjörsamlega sammála þér, Haraldur. Ég má greinilega ekki segja allt sem mér finnst á mínu bloggi, því aðal-yfirmaður minn er búin (segi þetta með einu N-i því hún er KONA) að láta mig vita að það sé fylgst með bloggi mínu af stjórnendum LSH. Og þar sem lögreglan vinnur líka á slysadeildinni, þar sem ég vinn, þá eru þeir ósjálfrátt samstarfsmenn mínir og verð ég greinilega að gæta orða minna.... með öðrum orðum, ég er ritskoðuð af sviðstjóra mínum og jafnvel stjórnendum LSH, hvur veit....

En ég MÁ þó segja mína skoðun, eins og allir aðrir í þessu þjóðfélagi, að minnsta kosti ennþá og þar á meðal sem svar við þínu bloggi, og ég er svo hjartanlega sammála þér. Mér finnst margir lögreglumenn vera undirmálsmenn, sem lifa fyrir það í krafti af sínum búningum og kylfum, að geta verið hrottalegir og dónalegir. Ég hef persónulega upplifað lögreglumenn í þannig ham. Þeir hlusta ekki á það sem "glæponinn" hefur að segja, heldur fá næstum því fullnægingu yfir því að fá að drottna yfir og beita lögboðnu valdi. Einhverju sem þeir gætu aldrei dreymt um að fá að gera, án búninga sinna.

Ég upplifði í  áhorfi mínu á sjónvarpsfréttir, marga unga menn í röðum lögreglunnar, sem fengu loksins að nota þau tæki og tól sem þeir höfðu, þeir æstu án efa hvorn annan upp, ruku fram með valdi og ofbeldi og fannst svo gaman að því að geta loksins minnt aðra á það, að þeir hafi valdið, tækin, tólin og annað til að stöðva okkur hin.... alveg sama hvort við högum okkur innan ramma laganna eða ekki. Ég hef oft séð lögregluna beita sér óréttmætt gagnvart fólki sem ekkert hefur gert af sér, annað en að pirra þessa strákpésa!!! Og þetta er ekki sagt í stuðnigi við vörubílsstjóra, sem mér finnst líka upp á síðkastið hafa hagað sér eins og fífl, heldur eingöngu gegn þessum aðgerðum lögreglunnar!!

Lilja G. Bolladóttir, 25.4.2008 kl. 03:57

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband