Þetta þarf að samþykkja svo hægt sé að moka flórinn

Hvað ætli þingmönnum flokkanna, sem stóðu fyrir einkavæðingu bankanna og komu okkur rækilega á hausinn, takist að þæfa þetta mál lengi? Þeir ættu að skammast sín og afgreiða þetta mál strax svo hægt sé að fara að moka íhalds- og framsóknarflórinn af alvöru og byggja upp þjóðfélagið að nýju. 

Lokaumræða um Icesave

Athugasemdir

[Njörður Helgason, 28.12.2009 kl. 14:50]

Fulltrúar þessara flokksnefna verða að teygja lopann að ystu mörkum og lengra.

[Soffía (IP-tala skráð) 28.12.2009 kl. 15:17]

Vonum að málið dragist þar til meirihluti þingmanna áttar sig á því að þjóðin vill ekki að þingið samþykki Icesave. Þingmenn eru í vinnu fyrir okkur og ættu að hundskast úr fílabeinsturninum og kjósa í þágu þjóðar sinnar en ekki láta gamlar nýlenduþjóðir hræða úr sér líftóruna.

[Offari, 28.12.2009 kl. 15:49]

Er það af pólitískum ástæðum sem þetta þarf að samþykkjast?

[Haraldur Bjarnason, 28.12.2009 kl. 16:31]

Auðvitað þarf pólitískar ástæður fyrir öllu Starri Hjartarson (Offari). Allar ákvarðanir varðandi framtíð íslensku þjóðarinnar eru pólitískar, það gefur auga leið.  Fullyrðingar þínar Soffía (ef þú heitir það) um að meirihluti þjóðarinnar vilji ekki að þingið samþykki þetta frumvarp hafa ekki við nein rök að styðjast. Óformlegar netkosningar og lauslegar skoðanakannanir með litlu úrtaki hafa ekkert um það að segja. - Það er augljóst að á meðan þetta mál er að þvælast fram og til baka getum við ekki byggt um íslenskt þjóðfélag aftur úr þeim rústum sem það er í núna.

[Stefán Óli Sæbjörnsson, 28.12.2009 kl. 17:03]

"Hvað ætli þingmönnum flokkanna, sem stóðu fyrir einkavæðingu bankanna og komu okkur rækilega á hausinn, takist að þæfa þetta mál lengi? "

Regluverkið var skýrt og innan lagaramma EES, það vita það allir sem eitthvað hafa fylgst með, eftirlitið gersamlega klikkaði hjá okkur s.s Seðlabanki og fjármálaeftirlitið ef óprúttnir ræningjar vilja stela þá gera þeir það. Þessi pólitíski sandkassaleikur er orðin svo sorglegur og dapur að maður er orðin sjóveikur gagnvart íslenskri pólitík hún er ger spillt, allt upp á borð ,,my ass. Hann er flottur nýji stjórnarformaður Íslandsbanka, hann hafði nú sitthvað að segja með eftirlitið á þessu sem þú telur upp. Maður mokaði í sveitnni hérna í den, úr flórnum í skíthauginn en ekki í annan flór líkt og verið er að gera í dag. Réttast væri að láta allan þennan skríl skrifta kanski það hjálpar kanski eitthavð til, bara svona til að sjá hvort einhver hrein samviska og heilindi sé til þarna á Austurvelli. Það var minni spilling í bönkunum sjálfum á sínum tíma það er alveg á hreinu.

[Geir Ágústsson, 28.12.2009 kl. 17:24]

Ríkisstjórnin hefur ekki gefið neinar ástæður fyrir því af hverju Íslendingar eiga að draga í land 1000 milljarða skuldir einkafyrirtækis, sem samkvæmt íslenskum og evrópskum lögum eiga að falla á Tryggingarsjóð innistæða, en ekki á íslenskum skattgreiðendum.

Icesave-frumvarpið þarf að setja ofan í skúffu og ef Bretar og Hollendingar þykjast eiga kröfu á íslenska skattgreiðendur, þá er þeim velkomið að sækja mál sitt fyrir dómstólum og láta reyna á málstað sinn.

En að skrifa sjálfviljugur upp á gjaldþrot ríkissjóðs - fyrir því hafa engin haldbær rök verið gefin. Þá helst að vísa í eitthvað óbindandi óformlegt spjall frá þeirri tíð sem Samfylkingin hafði bankamál á sinni hendi, fyrir rúmu ári síðan.

[Hjörtur J. Guðmundsson, 28.12.2009 kl. 21:19]

[Sigurður Haraldsson, 29.12.2009 kl. 01:25]

Við megum hafa þetta sem pólitískt það gengur að okkur dauðum........!!!