Fær Björgvin aldrei að vita neitt?

Hvernig er þetta eiginlega með Björgvin G. Sigurðsson viðskiptaráðherra? Fær hann aldrei að vita neitt sem Geir og Solla eru að bauka og skilanefndir og hvað þetta heitir nú allt saman sem stendur við pappírstætarana í íslensku fjármálakerfi. Ég virði Björgvin fyrir hreinskilnina. Hann segir hreint út að hann fái ekkert að vita. Hins vegar veit þessi strákur sínu viti og hefur einn komið hreint fram við þjóðina. Hinir ráðherrarnir eru í feluleik, með klúta fyrir andlitinu.

Björgvin vissi ekki um KPMG fyrr en í gær

Athugasemdir

[Hólmdís Hjartardóttir, 9.12.2008 kl. 20:28]

Það er margt dularfullt í samskiptum á stjórnarheimilinu.  Ég held að Björgvin segi satt og sé heiðarlegur en staða hans er pínleg.

[Jóhann Elíasson, 9.12.2008 kl. 20:36]

Þetta er kallað einelti eða eins og krakkarnir segja þá er hann skilinn útundan.

[Villi Asgeirsson, 9.12.2008 kl. 20:44]

Væri það ekki hans sterkasti leikur að segja af sér og mótmæla all hressilega, ef þau eru að skilja hann útundan? Hann gæti svo notað það í kosningunum í vor að hann, einn ráðherra, reyndi að vera heiðarlegur.

[Jón Ólafur Vilhjálmsson, 9.12.2008 kl. 20:49]

Ég held að stjórnin verði öll að fara þeir tala greinilega ekki saman og ekki við stofnanir eins og Seðlabankann þetta er skandall, ef þeir vilja ekki verða að algjöru adlagi og fá á sig dóm fyrir vanrægslu í opinberu starfi. þá skulu þeir pakka saman strax. 

[Víðir Benediktsson, 9.12.2008 kl. 20:57]

Björgvin er örugglega fínasti náungi og góður tamningamaður. En að hann skuli láta fara svona með sig hvað eftir annað bendir til þess að hann sé steingeldur. Á sjónum verður maður að bjarga sér sjálfur. Ef maður verður sér ekki úti það sem er að gerast á hafinu er maður bara ekki með. Það gerir þetta enginn fyrir mann. Reikna með að það sé eins í blaðamennskunni.

[Hulda Elma Guðmundsdóttir, 9.12.2008 kl. 21:39]

Satt segirðu Lúðvík reyndi að hafa orðið sem mest svo Atli kæmist ekki að ekki heldur Helgi Seljan. Ég veit ekki hvern Björgvin er að vernda. Er hann að þakka Sollu ráðherra dóminn? Mér finnst hann jafn falskur og allir hinir.

[Sigrún G. (IP-tala skráð) 9.12.2008 kl. 22:18]

Ég segi nú eins og annar bloggari komst svo snilldarlega að orði:

"Bank, bank Björgvin!"

Held að hann sé ekki skilin útundan blessaður, þarf bara að vakna og fylgjast með.  Þetta með KPMG var búið að koma fram víða áður - það hefur m.a.s farið fram hjá honum!

[Steingrímur Helgason, 9.12.2008 kl. 22:48]

Tveir sem mér perzónulega eru í mestum mætum mínum hjá Samfóinu eru Lúlli & Björgvin, eiginlega.  Björgvin er hins vegar kominn undir þrælbeinahæl, sem að er slæmt.

Lúðvík mætti þarna 'loyal' til að verja sinn mann, gerði það ágætilega að mér fannst.  Auðvitað ekki auðvelt að verja jafn vonda stöðu, hvað þá á móti jafn góðum manni & Atla, þannig að ég náði nú alveg að skilja frammítökurnar á milli lögmannanna beggja, sem að í raun voru ekki ósammála um neitt sem að neinu máli skipti.

Merkilegra fannst mér nú að þeim tveimur væri att þarna saman & búist við hasar í kring um það hvað þriðji aðili, Björgvin, vissi eða ætti að hafa vitað.

Hefði ekki verið einhver meiri glóra í því að fá einhvern sem vissi fyrr, en þagði þó, til dæmiz úr Valhallarzkrílnum ?

Nei, heyrðu, alveg rétt, þetta er bláskjárinn RÚV.

[Haraldur Bjarnason, 9.12.2008 kl. 23:34]

Sá blárskjár sem RÚV sjónvarp er nú orðið hebbði aldrei komið með neinn frá íhaldinu Steingrímur. Það er ljóst því ekki nokkur kjaftur þar hebbði getað staðið upp í rauðu hári Lúlla eða skalla Atla. Vallhallarskríllinn er einfaldlega orðlaus og hefur ekkert fram að færa næma væl yfir krökkunum sem nú sýna að til er einhver dugur í afkomendum okkar eymingjanna. Bjöggi er skýr og góður drengur, sýnist mér á öllu, en má sín lítils í þessum eymingjaskap krata sem nú er uppi.

[María Guðmundsdóttir, 10.12.2008 kl. 06:10]

innlitskvitt, hafdu gódan dag