Dómur yfir einkavinavæðingarferlinu

Þetta er merkileg niðurstaða. Ég man aldrei eftir því að flokkur, sem er í stjórn með Sjálfstæðisflokknum, auki við fylgi sitt. Venjan hefur verið sú að þeir flokkar sem hafa gerst hallir undir íhaldið tapi miklu fylgi. Núna virðist það vera Björgvin G. Sigurðsson sem er að hala inn fyrir Samfylkinguna fyrir skelegga framgöngu. Ingibjörg Sólrún kemur líka sterk inn núna eftir fjarveru meðan mest gekk á. En íhaldið má muna fífil sinn fegurri, svo ekki sé nú talað um Framsókn sem hefur ekki verið sannfærandi að undanförnu og var þátttakandi í öllu einkavinavæðingarferlinu. Þetta er dómur yfir því.

Minnihluti styður stjórnina

Athugasemdir

[Palli (IP-tala skráð) 26.10.2008 kl. 10:58]

Skelegg framkoma Björgvins G.? Er hann ekki bankamálaráðherra, síðustu 2 ára? Er hann ekki pólitíska ábyrgð á stöðu bankana. Stjórnarformaður fjármálaeftirlits, er líka Samfylkingarmaður. Finnst þér Geir standa sig ílla í þessum olgusjó?

[Haraldur Bjarnason, 26.10.2008 kl. 11:09]

Palli. Þessi ungi maður, Björgvin G. Sigurðsson, er búinn að vera viðskiptaráðherra í 2 ár. Hann tók við soranum frá framsókn og íhaldi. Það er aðdáunarvert hversu vel honum tekst að moka þann flór. Ég veit í raun ekkert hvernig Geir stendur sig. Hann segir ekkert og vill ekki svara neinu. Enda er það Davíð sem ræður.

[Nína S (IP-tala skráð) 26.10.2008 kl. 11:12]

Já, þetta eru ánægjulegar tölur og ég er sammála þér um að það er óvenjulegt að flokkur sem er í ríkisstjórn með Sjálfstæðisflokki auki fylgi sitt. Samfylkingin, þó hún léti sig hafa það að kyngja ýmsum kosningaloforðum, fær þó prik núna fyrir að segja sína skoðun t.d. þegar þau voru saman á blaðamannafundinum og Geir sagði þvert nei við inng. í Evrópusambandið, en Ingibjörg lýsti yfir vilja síns flokks. Svo er Jóhanna vinsælasti ráðherrann, hún er einörð og þegar hún segist bera hag lítilmagnans fyrir brjósti, þá trúir fólk henni vegna þess að Jóhanna vinnur þannig. Hún er trúverðug. Aftur á móti trúi t.d. ég ekki neinu sem Sjálfstæðismenn segja, því þeir eru hópsálir, þ.e. skoðun eins er skoðun flokksins. Vona að eftir mestu hrinuna núna  verði stjórnin dugleg að hreinsa til, vona líka að Samfylkingin láti ekki kjaftstoppa sig í þeirri hreingerningu vegna þess að hún vilji halda í embættin og stólana. Að hún gerist einörð, hrein og bein, þ.e. hver einstaklingur innan Samfylkingarinnar þori að tjá sig.

Auk þess legg ég til að Framsóknarflokkurinn verði lagður niður. 

[Haraldur Bjarnason, 26.10.2008 kl. 11:25]

Já Nína auðvitað átti ég að telja Jóhönnu með, hún skarar fram úr. Framsóknarflokkurinn sér sjálfur um að leggja sig niður.

[Hólmdís Hjartardóttir, 26.10.2008 kl. 12:16]

Hann verður lítill sjálfstðisflokkurinn  eftir næstu kosningar.  Jóhanna skarar auðvitað farm úr.  Og ISG segir sína meiningu.

[Jón Ingi Cæsarsson, 26.10.2008 kl. 12:27]

Björgvin er búinn að vera bankamálaráðherra frá því í júní 2007 eða í 16-17 mánuði. Allt það sem verið er að fást við var þá komið í þann farveg sem við nú sjáum... hann hefur eytt miklum tíma í að reyna að koma erlendri starfssemi bankanna á erlendar kenntitölur en féll á tíma.

Hvar var nú aftur á undan honum.... td næstu tveir sem komu þessu á...og td gáfu bankana vildarvinum.

[Haraldur Bjarnason, 26.10.2008 kl. 13:55]

Var ekki Valgerður næst á undan?.....man ekki lengra

[Víðir Benediktsson, 26.10.2008 kl. 14:00]

En það er nú bara þannig að Davíð ræður Samfylkingunni líka. Hún stendur og situr eins og hann vill þó svo heyrist hjáróma mjálm úr einstaka hornum þá er allt sem framkvæmt er samkvæmt vilja Davíðs. Eini ráðherrann sem hefur staðið upp í hárinu á honum svo heitið geti er Þorgerður Katrín. Saman hefur þetta ríkisstjórnargengi leikið hvern afleikinn af fætur öðrum. Gleymum því ekki að Samfylkingin bauð sig fram á þeim forsendum að hún væri betur hæf til að stjórna en aðrir en nú hefur hún sannað getuleysi sitt svo um munar. Held að það sé kominn tími til að Steingrímur J. fái sitt tækifæri. hann hefur verið trúverðugastur allra stjórnmálamanna undanfarið og þó ég sé honum mjög ósammála í mörgum málaflokkum finnst mér hann standa upp úr í þessari efnahagsumræðu. Allavega hafa útrásarvíkingarnir ekki verið heiðursgestir á samkomum hjá honum eins og sumum. Þar eigum við Steingrímur samleið. Ég hef ekki stígið inn í gömlu ríkisbankana síðan þeir voru einkavæddir og verið með öll mín viðskipti í Sparisjóðnum.