Framsóknarmenn?

Framsóknarmenn? Hvað hafa þeir haft til málanna að leggja síðan þeir einkavinavæddu bankana og komu þar með hruninu af stað?
mbl.is Hafa fyrirvara á samráði
Tilkynna um óviðeigandi tengingu við frétt

Sjoppukarlar í þágu kirkjunnar

Kirkjan hefur ráðið sér sjoppukarla, eins og Illugi Jökulsson kallaði í eina tíð fyrrum blaðamenn sem taka að sér að segja það sem forsvarsmönnum fyrirtækja og stofnanna býr í brjósti til að fegra ímynd þeirra út á við. Þetta á ekkert skilt við blaðamennsku eða upplýsingar. Svona fyrirtæki fá peninga fyrir að fegra ímynd þeirra fyrirtækja og stofnanna sem þau eru ráðin til. Sannleikurinn skiptir þá ekki alltaf máli.


mbl.is Kirkjan semur við KOM almannatengsl
Tilkynna um óviðeigandi tengingu við frétt

Af hverju eru innfluttar mjólkurvörur ódýrari?

Nú þegar er mikið af mjólkurvörum flutt inn, meðal annars ís. Tók eftir því um daginn að innfluttir íspinnar og istoppar eru miklu ódýrari en þeir íslensku og það þrátt fyrir tolla og óhagstætt gengi fyrir innflutning.

Ef íslenskar mjólkurvörur eru svona góðar og hagkvæmar hlýtur að vera lag að flytja þær út. Norðmenn kunna t.d. vel að meta skyrið sem rokselst þar núna en það er framleitt í Noregi eftir íslenskri uppskrift.

Það er margt bogið við íslenskt landbúnaðarkerfi sem virðist vera bæði bændum og neytendum í óhag. Líklega myndu engir hér á landi hagnast eins vel á aðild að ESB og bændur


mbl.is Áfram verði tollvernd
Tilkynna um óviðeigandi tengingu við frétt

Kalmanstunga

Það vekur athygli við lestur þessarar fréttar að bæjarnafnið Kalmanstunga er alltaf skrifað  með tveimur n-um. Þetta bæjarnafn er eitt margra örnefna sem á ættir sínar að rekja til írskra landnámsmanna. Þau má t.d. finna í Borgarfirði og á Akranesi. Öll eru þau skrifuð með einu n-i. Dæmi um þetta, auk Kalmanstungu, eru. Kalmansvík á Akranesi, Bekansstaðir og Kjaransstaðir.

Varðandi efni fréttarinnar er slæmt til þess að vita að dýrbítum fjölgi. Það kemur ekki aðeins niður á sauðfénu heldur er refurinn stórtækur í fuglavarpi ásamt minknum.


mbl.is Dýrbítur á ferð í Borgarfirði
Tilkynna um óviðeigandi tengingu við frétt

Klúðursleg skrif

Full ástæða er til að taka undir með Íslenskri málnefnd. Nú er það hins vegar spurning hvort sá sem skrifaði innganginn að þessari frétt kemur úr háskólasamfélaginu. Í það minnsta er þetta klúðurslega skrifað og alls ekki á góðri íslensku:

Íslensk málnefnd óttast að ef ekki verði breyting á hvað varðar kennslu á íslensku í íslensku háskólasamfélagi þar sem námskeiðum og heilum námsbrautum á ensku fjölgar blasir við að verulega mun þá þrengt að íslenskri tungu í háskólasamfélaginu á Íslandi.


mbl.is Óttast um íslenska tungu
Tilkynna um óviðeigandi tengingu við frétt

Hárrétt hjá Jóni.

Auðvitað rétt hjá Jóni. Það kemur allt til greina. Borgarstjóri er bara framkvæmdastjóri.

Framkvæmdastjóri Reykjavíkurhrepps þarf ekkert að vera kjörinn af fólkinu frekar en framkvæmdastjórar annarra hreppa landsins.


mbl.is Útilokar ekki að Dagur verði borgarstjóri
Tilkynna um óviðeigandi tengingu við frétt

HB Grandi veðjaði rétt

Það sem HB Grandi hefur verið að gera á Vopnafirði er hreint út sagt frábært. Þar hefur öll vinnsla á uppsjávarfiski verið endurbætt og gerð svo vel úr garði að úr verða bestu afurðir. Þeir HB Granda menn veðjuðu á rétt byggðarlag því Vopnfirðingar kunna sitt fag þegar kemur að vinnslu sjávarafurða.

Nú bíð ég eftir að fá heitreyktan makríl frá Vopnafirði. Það yrði toppurinn.


mbl.is Vinnslumet á Vopnafirði
Tilkynna um óviðeigandi tengingu við frétt

Nú leggja þeir línurnar

Nú eru stjórnmálamennirnir strax farnir að leggja þeim línurnar sem kosnir verða á stjórnlagaþing. Eflaust er líka plottað bak við tjöldin og hver þeirra teflir sínum fram. Mér er skapi næst að taka ekki þátt í þessari vitleysu sem þetta stjórnlagaþing stefnir í að verða. Það er full þörf víða annars staðar fyrir peningana sem þetta brölt kostar.
mbl.is Skuldir fyrnist á tveimur árum
Tilkynna um óviðeigandi tengingu við frétt

Gott hjá Húsvíkingum

Gott hjá Húsvíkingum enda allar þessar tillögur um niðurskurð til heilbrigðimála á landsbyggðinni hreint rugl og enginn sparnaður. Þetta er nokkuð sem hlýtur að verða dregið til baka. Annað er stríðsyfirlýsing.
mbl.is Húsvíkingar sækja um starf
Tilkynna um óviðeigandi tengingu við frétt

Framsóknarmaðurinn Jón

Framsóknarmennskan er og hefur alltaf verið í hávegum höfð hjá Jóni Bjarnasyni. Annars er Bjarni hinn besti drengur þótt framsóknarmennskan sé fortíðardraugur sem seint verður hægt að kveða niður.
mbl.is Bjarni ráðinn upplýsingafulltrúi
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband